Tag: <span>2020</span>

Проект „Мрежа за примарна здравствена заштита“

Проектот „Мрежа за примарна здравствена заштита“

Project – “Primary Healthcare Network” – HealthNET– CN1-SO1.2-SC024

Проектот е финансиран од ЕУ и Национално ко-финансирање преку „ИНТЕРРЕГ ИПА Програмата за прекугранична соработка помеѓу Грција – Република Северна Македонија 2014-2020 година“.

Проектни партнери се:

  1. Проектен партнер 1: Општина Ираклеа (Грција)
  2. Проектен партнер 2: Институт за информатика и телекомуникации – Национален институт за научно истражување Демокритос (Грција)
  3. Проектен партнер 3: Општина Ново Село (Северна Македонија)
  4. Проектен партнер 4: Младинско здружение Феникс Ново Село (Северна Македонија)

Проектот има за цел да ги развие и подобри услугите од доменот на примарната здравствена заштита во руралниот прекуграничен регион каде што населението има тежок пристап до здравствените единици, особено за старите и социјално загрозени лица, со посебен акцент на рана дијагноза и превенција на несакани здравствени состојби.

Како најважна проектна активност преставува набавката на мобилна здравствена единица – мобилна амбуланта. Оваа специјализирано возило ќе пружа здравствени услуги директно на граѓаните. Возилото ќе биде опремено со медицинска опрема, ИТ опрема и шесто-член кадар (два доктора, медицинска сестра, социјален работник, ИТ експерт и возач). Мобилната амбуланта ќе се движи низ општината, во руралните средини и ќе пружа примарни здравствени услуги. Медицинската опрема ќе вклучува апарат за мерење крвен притисок, спирометар (мерење на волумен на белите дробови), инструменти за мерење на шеќер, триглицериди, и холестерол во крвта, оксиметар (мерење на ниво на кислород во крвта), два типа на ЕКГ, ЕХО ултразвук и др. Медицинскиот персонал ќе врши различни видови прегледи, дијагнози и сл.  и истите ќе бидат бесплатни за граѓаните.

Проектот промовира социјална вклученост и се бори против сиромаштијата и дискриминација бидејќи обезбедува здравствени услуги на луѓе од оддалечени области кои имаат тежок пристап до здравствени услуги. Следствено ги намалува нееднаквостите во однос на здравствениот статус.

Општествената корист е најдобро искажана преку здравствените услуги кои ќе се осврнат на рана превенција и дијагноза кај старите и социјално загрозени лица во руралните средини каде тие немаат пристап до основни здравствени услуги.

Очекувани резултати:

Очекуваните резултати кои ќе произлезат од проектните активности вклучуваат:

  • намалување на бројот на приеми во болници и последователно намалување на секундарните и терцијалните здравствени трошоци;
  • заштита на ранливи социјални групи од болнички инфекции и обезбедување на информации за самостојно менаџирање со сопстените здравствени состојби;
  • подобрување на психолошката состојба на социјално ранливите групи;
  • подобрување на квалитетот на животот во руралните средини;
  • промовирање на превенција и рано дијагностицирање, намалување на трошоците за здравствена заштита;
  • обука на старатели и здравствени работници да ракуваат со паметни здравствени апликации;
  • ќе се подобри процедурата за собирање на медицинска историја на пациенти, и медицински третман што го добиле од мобилните единици;
  • ќе се развие меѓународен меморандум за разбирање и формирање на почетни точки за понатамошни здравствени активности.

Резултатите од проектот воглавно се фокусираат на еднакви можности и борба против дискриминацијата преку спроведување на иновативен пристап при обезбедување на примарни здравствени услуги од страна на локалната власт и здравствените организации во областа. Активностите на проектот ќе бидат достапни за вкупно 32.712 граѓани, од кои 11.567 се жители на Општина Ново Село.

Додадена вредност на проектот произлегува од сличните услови за живот (многу оддалечени села населени претежно со стари и изнемоштени лица) во областа на пограничниот регион. Очекуваните резултати од спроведување на проектот ќе помогнат во подобрување на соработката за одговор на заеднички проблеми во врска со прашања за социјална интеграција, размена на најдобри практики, создавање на мрежи и заеднички протоколи за здравствена и социјална интеграција.

По завршување на проектот мобилната амбуланта и опремата ќе бидат ставени во функција на јавното здравје каде ќе продолжат да даваат услуги на регионално ниво.

Буџет на проектот

Вкупниот буџет на проектот изнесува 1.085.330 евра, од кои Општина Ново Село има буџет од 363.530 евра. Финансиските средства се 100% неповратен грант од кои, 85% се финансиски средства од Европска унија, а 15% е национално кофинансирање.

Целна група на минимум услужени граѓани е 600 лица (стари и социјално загрозени лица).

Трето прскање против возрасни комарци по земјен пат на територијата на Југоисточниот плански регион

Се известуваат сите граѓани од Југоисточниот плански регион дека третото прскање против возрасни комарци ќе се изврши на 19 и 20 Август 2020 година, со следниот распоред:

1.    На 19.08.2020 година (среда), во период од 19.00 до 02.00 часот во општините Конче, Радовиш, Струмица, Босилово, Василево и Ново Село;

2.    На 20.08.2020 година (четврток), во период од 19.00 до 02.00 часот во општините Валандово, Богданци, Дојран и Гевгелија.

Се известуваат сопствениците на пчелни семејства да преземат соодветни мерки за заштита, односно да ги затворат истите во најавениот период.

Второ прскање против возрасни комарци по земјен пат на територијата на Југоисточниот плански регион

Се известуваат сите граѓани од Југоисточниот плански регион дека второто прскање против возрасни комарци ќе се изврши на 22 и 23 Јули 2020 година, со следниот распоред:

1.    На 22.07.2020 година (среда), во период од 19.00 до 02.00 часот во општините Конче, Радовиш, Струмица и Василево и

2.    На 23.07.2020 година (четврток), во период од 19.00 до 02.00 часот во општините Ново Село, Босилово, Валандово, Богданци и Дојран.

За прскањето во општина Гевгелија, граѓаните на општина Гевгелија ќе бидат дополнително известени.

Се известуваат сопствениците на пчелни семејства да преземат соодветни мерки за заштита, односно да ги затворат истите во најавениот период.

Започнува реализирањето на проектот „Доградба на фекалниот канализационен систем во Ново Село“

Почитувани,

Ве известуваме дека градежните активности на долгоочекуваниот проект „Доградба на фекален канализационен систем во Ново Село“ се веќе во тек. По спроведените тендерски постапки од страна на Министерството за транспорт и врски и потпишувањето на договорите за изведба на градежни активности, избраниот економски оператор “Друштво за градежништво и трговија ЖИКОЛ ДООЕЛ експорт импорт Струмица“ е веќе на терен.

Долгогодишниот проблем на Ново Село ќе се решава со вкупната инвестиција која изнесува 43.723.466,00 денари со вклучен ДДВ, а финансиските средства се обезбедени од страна на Министерството за транспорт и врски. Рок за изведба на градежните активности е 14 месеци.

Досега, Општина Ново Село со сопствени средства финансираше одредени краци на фекално канализациониот систем во Ново Село, меѓутоа, со овој проект ќе се овозможи целосна мрежна покриеност каде сите домаќинства и институции во Ново Село ќе имаат можност да се приклучат и да ги користат овие услуги.

Изградбата на фекален канализационен систем во Ново Село како основна инфраструктура на современото општество и приоритетен проект ќе има позитивно влијание врз квалитетот на животот на локалното население и ќе креира услови за економски развој.

Погледнете видео обраќање за проектот на Градоначалникот Никола Андонов на следната веб врска: https://www.youtube.com/watch?v=RNl7Y4favnw

 

Датум за прво прскање против возрасни комарци

Центарот за развој на Југоисточниот плански регион во соработка со десетте општини од регионот, согласно Одлуката на Советот за развој на Југоисточниот плански регион, организира прво прскање против возрасни комарци по земјен пат.

Согласно набавката предвидени се вкупно две прскања за ларвициди и три прскања против возрасни комарци на територијата на Југоисточниот регион со вкупна површина од 5.376 ха.

Се известуваат сите граѓани на 10-те општини во Југоисточниот плански регион дека првото прскање против возрасни комарци ќе се изврши на 24 и 25 јуни 2020 година, со следниот распоред:

1. На 24.06.2020 година (среда), во период од 18.00 до 02.00 часот во општините Конче, Радовиш, Ново Село, Василево, Босилово и Струмица и

2. На 25.06.2020 година (четврток), во период од 19.00 до 02.00 часот во општините Гевгелија, Богданци, Дојран и Валандово.

Се известуваат сопствениците на пчелни семејства да преземат соодветни мерки за заштита, односно да ги затворат истите во најавениот временски период.

Одложено првото прскање против возрасни комарци во Југоисточниот регион

Известување од Центарот за развој на Југоисточниот плански регион

Се известуваат сите граѓани на 10-те општини во Југоисточниот плански регион дека СЕ ОДЛОЖУВА првото прскање против возрасни комарци кое беше предвидено да се изврши на 10 и 11 јуни, 2020 година (среда и четврток) на територијата на сите општини во регионот.

Прскањето се одложува поради неповолни временски услови т.е. појава на врнежи во предвидениот период, а за спроведување на планираното прво прскање против возрасни комарци, граѓаните на Југоисточниот регион ќе бидат дополнително известени.

Датум за прво прскање против возрасни комарци – edit: 08.06.2020 – Одложено

Се известуваат сите граѓани на 10-те општини во Југоисточниот плански регион дека првото третирање против возрасни комарци ќе се изврши на 10 и 11 јуни 2020 година, со следниот распоред:

1.    На 10.06.2020 година (среда), во период од 18.00 до 02.00 часот во општините Конче, Радовиш, Ново Село, Василево, Босилово и Струмица и

2.    На 11.06.2020 година (четврток), во период од 19.00 до 02.00 часот во општините Гевгелија, Богданци, Дојран и Валандово.

Се известуваат сопствениците на пчелни семејства да преземат соодветни мерки за заштита, односно да ги затворат истите во најавениот временски период.

Првото третирање на дезинфекција, дезинсекција и дератизација на адултни комарци по земјен пат го организира Центарот за развој на Југоисточниот плански регион во соработка со десетте општини од регионот, согласно Одлуката на Советот за развој на Југоисточниот плански регион.

Предвидени се вкупно две третирања за ларвициди и три третирања против адултни комарци на територијата на Југоисточниот регион со вкупна површина од 5.376 ха.

Известување за прскање против комарци, 2020 година!

Предвидено е прскање за возрасни комарци од 8-ми до 11-ти јуни. Во сите општини е прскано веќе по 2 пати ларвицидно.

Центарот за развој на Југоисточниот плански регион во соработка со десетте општини од регионот започна со третирање на дезинфекција, дезинсекција и дератизација против ларвицидна и адултна форма на комарци по земјен пат. За разлика од претходните години каде што третирањето беше по авионски пат, оваа година за прв пат се донесе одлука за третирање по земјен пат, со надеж дека со овој метод ќе се постигне поголем ефект и превенција.

Предвидени се две третирања за ларвициди и три третирања против адултни комарци на територијата на Југоисточниот регион со вкупна површина од 5.376 ха засите десет општини. Теренското третирање против ларви од комарци се врши со средство во вид на гранули кои се расфрлаат во плитка застоена вода и ваквото ларвицидно третирање не е штетно за луѓето, пчелните семејства ниту за домашните миленици.

Пред да се започне со третирање против адултни комарци претходно ќе биде објавено известување од Центарот и општините за точниот датум за секоја општина со цел да се известат сопствениците на пчелни семејства да преземат соодветни мерки за заштита, односно да ги затворат истите во најавениот временски период.

Font Resize
Контраст
Accessibility by WAH