Tag: <span>2020</span>

Доделување на хуманитарни пакети во Општина Ново Село

Во текот на вчерашниот ден, 11 мај 2020 година веќе беа поделени голем број но исто така и во текот на престојната недела Општина Ново Село ќе продолжи со поделувањето на вкупно 300 хуманитарни пакети. Општинските мобилни тимови, почитувајќи ги мерките и препораките за заштита на јавното здравје, продолжуваат со доделувањето на пакети на социјално загрозените семејства и ранливите групи на граѓани кои беа дополнително засегнати поради настанатата криза предизвикана од коронавирусот COVID-19. Пакетите кои беа доставени до Општина Ново Село како донација содржат прехрамбени производи и средства за лична хигиена, кои се надеваме дека ќе помогнат на овие семејства во оваа вонредна состојба.

Од името на Општина Ново Село и во име на примателите на хуманитарните пакети упатуваме огромна благодарност до организацијата „Сите заедно можеме“ за донацијата на 300 хуманитарни пакети.

Во претходните наврати, општинските мобилни тимови поделуваа хуманитарни пакети кои беа обезбедени преку приватни донатори од бизнис заедницата во Општина Ново Село, меѓутоа имаше и донатори кои поттикнати од кризната ситуација и потребата во соработка со кризниот штаб на Општина Ново Село самите организираа и спроведуваа донации во вид на земјоделски производи на оние кои имаат потреба.

Акцијата за доделување на хуманитарни пакети не застанува овде, односно и понатаму ќе продолжи следејќи ги потребите на најзасегнатите семејства.

Реализирана Програмата за изградба, реконструкција и оддржување на локалните патишта и улици за 2020 година во Општина Ново Село

Во овогодинешната програма за изградба, реконструкција и одржување на локалните патишта и улици беа опфатени шест населени места и тоа Дражево, Смоларе, Ново Село, Борисово, Мокрино и Зубово. Вкупната инвестиција во локални патишта и улици од програмата изнесува 4.123.398,00 денари. Изградбата на овие улици е важна од неколку аспекти меѓу кои најважни се подобрување на безбедноста и здравјето на жителите кои живеат во непосредна близина, се пружи поголема сигурност на сите учесници во сообраќајот, се спречува постојана ерозија на претходно земјени патишта како последица од обилни врнежи и се спречува создавање на наноси на прашина во сувите периоди.

Иако програмата е веќе реализирана, во тек се градежни активности во изведбена фаза за изградба и реконструкција на повеќе улици во Општина Ново Село, но исто така во тек е изработката на проекти за изградба, реконструција и оддржување на улици и патишта во апликациона фаза.

Прием на странки во Општина Ново Село од 11.05.2020

ИЗВЕСТУВАЊЕ!

Почитувани,

Ве известуваме дека времениот прекин на прием на странки во Општина Ново Село, кој беше воспоставен како мерка за заштита против ширењето на коронавирусот COVID-19 се повлекува, и почнувајќи од понеделник, 11 мај 2020 година, странките ќе се примаат во општинското работно време од 7:30 до 15:30 часот.

При приемот на странки ќе се применуваат сите досегашни мерки донесени од Владата на РСМ во однос на борбата против COVID-19, односно задолжително е носење на заштитна респираторна опрема (маски, марами и слично) при влегување во општината. На сите оние кои нема да ги почитуваат заштитните мерки ќе им биде забранет пристапот до општинската зграда.

За сите оние кои и понатаму сакаат да добијат услуги електронски или се соочуваат со некој проблем за кој е надлежна Општина Ново Село можат да ги користат следните контакти:

  • Одделение за урбанизам – 070 296 162
  • Одделение за финансиски прашања – 070 996 965
  • Одделение за даноци – 078 487 938
  • Телефонски број на општината – 034 355 202
  • Служба 24/7 – 078 367 568
  • електронска пошта: administracija@novoselo.gov.mk
  • или оставете порака на општинската веб-страна: www.novoselo.gov.mk

Ви благодариме за трпението.

Здравјето пред сè!

Апел за солидарност за сите правни и физички лица

Општина Ново Село упатува голема јавна благодарност до фамилијата Крстеви и фамилија Љачеви за нивната донација на заштитни маски за повеќекратна употреба со што несебнично дадоа поддршка кон општинските напори за заштита на јавното здравје и борбата против коронавирусот Covid-19.

Заштитните маски, кои во оваа вонредна состојба претставуваат основна потреба, ќе бидат ставени во употреба на најизложените на ризик односно полициските службеници кои се грижат за безбедноста на граѓаните и јавниот ред и мир, теренските работници на ЈПКД „Комуна“ Ново Село, како и ризични групи на граѓани во општината.

Упатуваме апел до сите граѓани кои се инспирирани од овие хумани гестови, кои имаат желба и сакаат да излезат во пресрет на потребите на заедницата, Општина Ново Село има донаторски сметки кон кои може да се донираат парични средства за набавка на заштитна опрема, дезинфекциони средства, набавка на основни прехрамбени и хигиенски средства кои ќе бидат доделени на најзагрозените семејства во општината.

  1. Сметка во МКД (денари): Донаторска сметка – Хуманост

          750014079778585

          Народна Банка на РСМ

  1. Сметка во ЕУР (евро):

Correspondent bank details:

DEUTSCHE BUNDESBANK ZENTRALE

Address:

Wilhelm Epstein strasse 14

Frankfurt am Main

Germany

SWIFT BIC: MARK DE FF

Bank details:

NATIONAL BANK OF THE REPUBLIC OF NORTH MACEDONIA

Address:

Bul.”Kuzman Josifovski Pitu” br.1

1000 Skopje

NORTH MACEDONIA

SWIFT BIC: NBRM MK 2X

Final beneficiary:

IBAN: MK07100701000079322

Name: Opstina Novo Selo

 

 

 

Дезинфекција на површина на зелен пазар и Граничен премин Ново Село

Во поглед на досега донесените препораки од страна на Владата на Република Северна Македонија и Министерството за здравство, во консултација со надлежните во општината, денес (18.03.2020) ЈПКД „Комуна“ Ново Село во соработка со Противпожарната единица во Ново Село и Општина Ново Село изврши дезинфекција на Граничниот премин Ново Село како и на површината каде се организира зелениот пазар во Ново Село.

Општина Ново Село и останатите надлежни институции во општината ги следат сите мерки, забрани и препораки добиени од Владата на РСМ во однос на спречување на ширењето на коронавирусот Ковид-19 и заштита на јавното здравје. Општината набавува соодветни средства за дезинфекција и ќе се дезинфицираат и улиците во населените места.

Што се однесува до граѓаните, тие треба да се придржуваат до сите мерки кои досега се донесени  ( објавени на https://vlada.mk/covid19), да се информираат од веродостојни извори на информации како на пример Министерството за здравство, Владата на РСМ и Светската здравствена организација, да избегнуваат јавни и приватни собири и да практикуваат лична и респираторна хигиена.

Известување за работењето на зелениот пазар во Ново Село!

Општина Ново Село и ЈПКД „Комуна“ Ве известуваат дека зелениот пазар кој се организира секој четврток, ќе продолжи да функционира со рестриктивни мерки а во согласност со препораките на Влада на Република Северна Македонија за спречување на ширењето на коронавирусот Ковид-19.

На пазарот ќе биде дозволено само продавање на храна односно на земјоделски производи од типот на овошје, зеленчук, житни култури и сл. за да можат граѓаните да се снабдат со основните намирници. Останатите продавачи од типот на продавачи на текстил, облека, обувки и сл. им се забранува продавањето на пазарот.

Продавачите на пазарот ќе бидат распоредени на препорачаното растојание, а се апелира до граѓаните да излезат на пазар само по потреба, да практикуваат лична и респираторна хигиена, и да избегнуваат пазарење во групи, односно да оставаат доволно растојание помеѓу луѓето при пазарење. Граѓаните строго да се придржуваат кон препораките од Владата на РСМ и Министерството за здравство во однос на заштита на јавното здравје.

Во овој период на рестриктивни мерки организирањето на сточниот пазар во Ново Село е забрането.

Времен прекин на прием на странки во Општина Ново Село

ИЗВЕСТУВАЊЕ!

Почитувани,

Врз основа на препораките издадени од Владата на Република Северна Македонија, Министерството за здравство и Комисијата за заразни болести, а кои се однесуваат на превентивните мерки за ширење на коронавирусот Ковид-19 и заштита на граѓаните, се замолуваат сите граѓани да ги почитуваат сите мерки, препораки и забрани.

Во однос на работењето на Општина Ново Село, времено се укинува прием на странки во општинската зграда освен само за итните и неодложни барања.

За непречено работење и решавање на какви било проблеми со кои ќе се соочат граѓаните а е надлежна Општина Ново Село, се препорачува да ги користат следните контакти:

  • Одделение за урбанизам – 070 296 162
  • Одделение за финансиски прашања – 070 996 965
  • Одделение за даноци – 078 487 938
  • Телефонски број на општината – 034 355 202
  • Служба 24/7 – 078 367 568
  • електронска пошта: administracija@novoselo.gov.mk
  • или оставете порака на општинската веб-страна: novoselo.gov.mk

 

Општината ќе функционира на овој начин се до повлекување на мерките на Влада на Република Северна Македонија.

Font Resize
Контраст
Accessibility by WAH