Автор: admin

Второ прскање за комарци 2019 година

Центарот за развој на Југоисточниот плански регион во соработка со осумте општини од регионот организира авио-третирање против комарци. Предвидени се две прскања на територијата на Југоисточниот регион со вкупна површина од 7542 ха.

Се известуваат граѓаните на општините Богданци, Валандово и Дојран дека второто прскање е планирано да се изврши на 23.07.2019 година во раните утрински часови, односно во период од 04:30 до 09:30 часот. За граѓаните од општините Струмица, Василево, Босилово, Ново Село и Конче планирано е второто прскање да се изврши на 24.07.2019 година  во истиот период. Доколку временските услови не дозволат да се реализира прскањето, истото ќе се спроведе  на 24.07.2019 за горенаведените општини Богданци, Валандово и Дојран, додека за општините Струмица, Василево, Босилово, Ново Село и Конче ќе биде на 25.07.2019 година.

Се известуваат сопствениците на пчелни семејства да преземат соодветни мерки за заштита, односно да  ги затворат истите во најавениот временски период.

Преземи-информација-за-прскањето

ИЗВЕСТУВАЊЕ ЗА ОДРЖУВАЊЕ НА ЈАВНА КОНСУЛТАЦИЈА

ИЗВЕСТУВАЊЕ ЗА ОДРЖУВАЊЕ НА ЈАВНА КОНСУЛТАЦИЈА ЗА ИЗВЕШТАЈ ЗА ЖИВОТНА СРЕДИНА И СОЦИЈАЛНИ АСПЕКТИ И ПЛАН ЗА УПРАВУВАЊЕ СО ЖИВОТНА СРЕДИНА ЗА ПРОЕКТ “РЕХАБИЛИТАЦИЈА НА ПАТНА ДЕЛНИЦА МЕЃУ СТРУМИЦА – НОВО СЕЛО – ГРАНИЧЕН ПРЕМИН СО РЕПУБЛИКА БУГАРИЈА 9ДЕЛ ОД МАГИСТРАЛЕН ПАТ А4)”

Преземи – Известување-општина-Ново-Село

Прво прскање против комарци

Центарот за развој на Југоисточниот плански регион во соработка со осумте општини од регионот организира авио-третирање против комарци. Предвидени се две прскања на територијата на Југоисточниот регион со вкупна површина од 7542 ха.

Се известуваат граѓаните на општините Богданци, Валандово и Дојран дека првото прскање е планирано да се изврши на 27.06.2019 година – четврток, во раните утрински часови, односно во период од 04:30 до 09:30 часот.

За граѓаните од општините Струмица, Василево, Босилово, Ново Село и Конче планирано е првото прскање да се изврши на 28.06.2019 година – петок,  во истиот период, односно од 04:30 до 09:30 часот.

Доколку временските услови не дозволат да се реализира прскањето, истото ќе се спроведе  на 28.06.2019 за општините Богданци, Валандово и Дојран, односно на 29.06.2019 година за општините Струмица, Василево, Босилово, Ново Село и Конче во истиот временски период.

Се известуваат сопствениците на пчелни семејства да преземат соодветни мерки за заштита, односно да  ги затворат истите во најавениот временски период.

Градежни активности на регионален пат Ново Коњарево – Старо Коњарево и магистрален пат Граничен премин Ново Село – Струмица

По долгогодишни празни ветувања од претходната Влада, тековната Влада си стои на ветеното и како резултат на тоа започнаа градежните работи на регионалниот пат Ново Коњарево – Старо Коњарево и магистралниот пат Граничен премин Ново Село – Струмица.

Во тек се градежните работи на регионалниот пат Р1402 од Ново Коњарево кон Старо Коњарево, патот е пробиен до селото и понатаму продолжуваат со следните активности на патот.

Исто така во моментот се одвиваат активностите на регионалниот пат А4 Граничен премин Ново Село кон Струмица. Градежните активности опфаќаат гребење на асфалтен слој и поставување на нов асфалтен слој долж целиот пат.

Во прилог слики од патиштата и градежните активности.

Примопредавање на функцијата Градоначалник на Општина Ново Село

Официјално Никола Андонов ја презеде функцијата градоначалник на општина Ново Село.

На ден 14.05.2019 година, беше извршено примопредавање на должноста помеѓу в.д. Градоначалникот Горан Цветков и новиот Градоначалник Никола Андонов, каде присуствуваа повеќе членови од општинската администрација.

Новиот градоначалник, обраќајќи се на присутните, уште еднаш потврди дека ќе биде градоначалник на сите граѓани на Општина Ново Село не делејќи ги по било каква основа.
Тој ги спомна и неговите приоритети кои

ги вети за време на изборната кампања, односно, завршувањето на канализационата мрежа во Ново Село и обезбедувањето на чиста вода за пиење во повеќето населени места во општината.

Font Resize
Контраст