Општина Ново Село ќе учествува на работилница од проектот ,,EcoConnect – Унапредување на управувањето со биодиверзитетот и обнувување на природата

Датум: 3 ноември 2026 година
Време: 09:30 часот
Место: Хотел „Цар Самуил”, село Банско, Струмица

Проектот „EcoConnect: Унапредување на управувањето со биодиверзитетот и обновување на природата“ (EcoConnect) ќе го спроведува Меѓународната унија за зачувување на природата (IUCN) во Албанија, Молдавија, Црна Гора, Северна Македонија, Србија и Украина, во соработка со соодветните национални министерства и институции надлежни за политиките за животна средина.

Проектот е финансиран од Глобалниот фонд за животна средина (GEF), преку Меѓународната банка за обнова и развој (Светска банка), која дејствува како агенција за имплементација.

Планот за еколошки и социјални обврски (ESCP) ги утврдува еколошките и социјалните одредби и активности што мора да се спроведат за да се обезбеди EcoConnect да се реализира во согласност со Еколошката и социјалната рамка на Светската банка (ESF) и применливите Еколошки и социјални стандарди (ESS).

Во практична смисла, ESCP определува кои еколошки и социјални активности треба да се преземат, кога треба да се завршат, кој е одговорен за нивното спроведување и како ќе се следи и известува за реализацијата. Тој ги опфаќа институционалните капацитети, еколошката и социјалната процена, работната сила и условите за работа, здравјето и безбедноста на заедниците, биодиверзитетот, културното наследство, вклучувањето на засегнатите страни, постапувањето по поплаки, мониторингот и управувањето со инциденти.

ESCP може да се ажурира, во согласност со Светската банка, кога е потребно поради промени во проектните активности, непредвидени околности или резултатите од спроведувањето на Проектот. Ажурираните верзии ќе бидат јавно објавени.