Известување за земјоделците за движење за време на полициски час

Согласно новите рестриктивни мерки донесени од Владата на РСМ по барање на Комисијата за заразни болести, односно ограничување на движењето на граѓаните од 20:00 до 05:00 часот, со цел непречено извршување на земјоделските активности, земјоделците можат да побараат дозвола за движење на следните начини:

За земјоделци кои не се регистрирани во системот на Единствениот регистар на земјоделски стопанства (ЕРЗС), дозволи за движење можат да обезбедат преку општинските кризни штабови. Земјоделците треба да се најават во Општинскиот кризен штаб на Општина Ново Село на телефонскиот број 078 367 – 568, секој ден најдоцна до 20:00 часот, по што списокот ќе биде предаден во полициската станица. При повик задолжително треба да наведат име и презиме на сите оние кои ќе се движат за време на полицискиот час, почетна локација и локација до каде ќе се движат, во кој период и времетраење. Дозволите се издаваат исклучиво за обавување на земјоделски активности.

За регистрираните земјоделци во ЕРЗС, дозволите за движење ќе можат да ги обезбедат преку алатката за давање на дозволи од Министерството за информатичко општество и администрација, преку овластени лица на МЗШВ. Барањата за дозволи за движење се доставуваат по телефон или е-маил адреса преку Подрачна единица на МЗШВ (кој мора да провери дали барателот е запишан во ЕРЗС). Сите оние кои имаат претходно извадено ваква дозвола за движење, немаат потреба да вадат нови бидејќи истите се важечки.

Општина Ново Село

Објава број 1/2021 од 31.03.2021 година

за отуѓување на градежно земјиште сопственост на Република Северна Македонија по пат на електронско јавно наддавање во Општина Ново Село

Предмет на електронското јавно наддавање 

Предмет на електронското јавно наддавање е градежно неизградено земјиште, сопственост на Република Северна Македонија, предвидено со:

1. Урбанистички план за село Колешино, донесен со Одлука 07-682/1 од 09.03.2012, согласно Табеларен преглед 1
2. Локалната урбанистичка планска документација за изградба на објекти со класа на намена Б3-големи угостителски единици на дел од КП бр. 2519 во КО Колешино вон град, реон, донесена со Решение бр. 10-51/3 од 27.01.2021 година, со Табеларен преглед 2

во кој се дадени податоци за градежните парцели, за нивната намена – домување во стамбени куќи и големи угостителски единици, катастарските парцели се опфатени со градежните парцели, катност, максимална висина, вкупна површина на градежната парцела, површината за градење, процент на изграденост, коефициент на искористеност, почетна цена по м2, вкупна почетна цена и банкарска гаранција за сериозност на понудата.

Преземете ја Објавата во целост вклучувајќи табеларни прегледи, право и услови за учество, банкарска гаранција, рокови и целосната постапка на следниот линк: Објава бр.1-2021-за-градежно-земјиште