Автор: admin

Постапка за Објава бр.2/2021 арх. бр. 05-751/1 од 01.04.2021 за електронско јавно наддавање за продажба на движни ствари – патнички моторни возила во сопственост на Општина Ново Село

Постапка за Објава бр.2/2021 арх. бр. 05-751/1 од 01.04.2021 за електронско јавно наддавање за продажба на движни ствари – патнички моторни возила во сопственост на Општина Ново Село

 

Општина Ново Село, на 02.04.2021 година, објави Оглас за електронско јавно наддавање за продажба на движни ствари – патнички моторни возила во сопственост на Општина Ново Село. Предмет на електронското јавно наддавање беа три патнички моторни возила: 1. Mercedes vito 110 SD, 2. Citroen Berlingo, 3. Citroen C5.

Патничките моторни возила се продаваат во согласност со Одлука за продажба на движни ствари-патнички моторни возила сопственост на Општина Ново Село донесена од Советот на Општина Ново Село бр. 08-2617/1 од 18.11.2019, Одлука за измена и дополна на Одлуката за продажба на движни ствари-патнички моторни возила сопственост на Општина Ново Село бр.08-2617/1 од 18.11.2019 заверена со архивски бр. 08-298/1 од 03.02.2021 година како и Одлука за продажба на движни ствари-патничко моторно возило сопственост на Општина Ново Село бр. 08-1944/1 од 20.10.2020, Одлука за измена и дополна на Одлуката за продажба на движни ствари-патничко моторно возило сопственост на Општина Ново Село бр.08-1944/1 од 20.10.2020 година заверена со архивски бр.-08-299-1-од-03.02.2021.

Цената за продажба на патничките моторни возила е утврдена преку Извештај за процена на вредност на транспортни средства Бр.15-016/19 од 28.10.2019, Бр.09-016/19 од 28.10.2019 и  Бр.09-011/20 од 31.08.2020 година изготвена од страна на Трговец поединец за процена, проектирање и вештачење МС СТОП ИНЖЕНЕРИНГ Миле Ацо Стојменов ТП Струмица – овластен судски проценител.

Постапката за продажба на патничките ствари се врши по пат на електронско јавно наддавање преку системот www.e-stvari.mk , каде сите заинтересирани домашни и странски физички и правни лица, кои можат да се стекнат со сопственост на движни ствари на територија на РСМ согласно со закон, можат да поднесат пријава во согласност со условите и потребните документи и да учествуваат на јавното наддавање.

Објавата за јавно наддавање за продажба на патничките моторни возила беа објавени на:

  1. На 02.04.2021 објавен на www.e-stvari.mk
  2. На 02.04.2021 година на општинската веб страна: http://www.novoselo.gov.mk/oglasna-tabla/%d0%be%d0%b1%d1%98%d0%b0%d0%b2%d0%b0-%d0%b1%d1%80-2-2021-%d0%b7%d0%b0-%d0%b5%d0%bb%d0%b5%d0%ba%d1%82%d1%80%d0%be%d0%bd%d1%81%d0%ba%d0%be-%d1%98%d0%b0%d0%b2%d0%bd%d0%be-%d0%bd%d0%b0%d0%b4%d0%b4%d0%b0/
  3. На 02.04.2021 во дневни изданија на весниците Нова Македонија и Слободен Печат

Рокот за поднесување на пријави за електронско јавно наддавање беше заклучно со 16.04.2021 година.

По истекот на крајниот рок за доставување на пријави, комисијата за спроведување на постапката утврди дека има поднесено само една пријава и тоа за патничкото моторно возило Citroen C5, а за останатите две возила во објавата нема поднесено ниту една пријава.

По административна проверка на документите во пријавата, спроведено е јавно наддавање со електронска аукција. Согласно електронското јавно наддавање на ден 22.04.2021 година, за моторното возило Citroen C5 со статус на најповолен понудувач се стекало физичкото лице Мите Аврамов, ул. 10-ти септември бр. 3 од Ново Село, со највисока постигната цена од 291.200,00 денари, кој и всушност беше единствен понудувач.

Во прилог е прикачено досието од постапката.

Објава бр. 2/2021

Објава-во-весник-Слободен-Печат

Објава-во-весник-Нова-Македонија

Извештај-од-спроведена-постапка

Извештај-за-процена-на-вредност-на-транспортно-средство-citroen-c5

Извештај-за-процена-на-вредност-на-транспортно-средство-citroen-berlingo

Извештај-за-процена-на-вредност-на-транспортно-средство-mercedes-vito

 

ОДЛОЖЕНО! Прво прскање против возрасни комарци по земјен пат

Се известуваат сите граѓани на десетте општини во Југоисточниот плански регион, дека првото прскање против возрасни комарци ќе се изврши во период од 7 до 9 Јуни 2021 година, со следниот распоред:

  1. На 07.06.2021 година (Понеделник), во период од 20 до 04 часот во општините Валандово, Дојран, Гевгелија и Богданци.
  2. На 08.06.2021 година (Вторник), во период од 20 до 04 часот во општините Ново Село, Босилово, Василево и Струмица.
  3. На 09.06.2021 година (Среда), во период од 20 до 04 часот во општините Радовиш и Конче.

Се известуваат сопствениците на пчелни семејства да преземат соодветни мерки за заштита, односно да ги затворат истите во најавениот временски период.

Второ прскање против ларвицидни комарци по земјен пат

Десетте општини во соработка со Центарот за развој на Југоисточен плански регион ќе спроведуваат активности за третирање против ларвицидна и возрасна форма на комарци по земјен пат. Предвидени се две третирања за лавициди и три третирања против возрасни комарци на територијата на Југоисточен плански регион со вкупна површина од 5.376 ха.

Се известуваат сите граѓани на десетте општини во Југоисточниот плански регион дека второто ларвицидно прскање ќе се изврши во период од 17 до 19 Мај 2021 година, со следниот распоред:

На 17.05.2021 година (Понеделник), во период од 09 до 16 часот во општините Валандово, Дојран, Гевгелија и Богданци.

На 18.05.2021 година (Вторник), во период од 09 до 16 часот во општините Ново Село, Босилово, Василево и Струмица.

На 19.05.2021 година (Среда), во период од 09 до 16 часот во општините Радовиш и Конче.

Се известуваат сопствениците на пчелни семејства да превземат соодветни мерки за заштита, односно да ги затворат истите во најавениот временски период.

Асфалтирање на локален пат Зубово – спој со пат Ново Село – Мокриево

Асфалтирање на локален пат Зубово – спој со пат Ново Село – Мокриево

Денес, 27.04.2021 година, започна поставување на асфалтен слој на локален пат Зубово – спој со пат Ново Село – Мокриево. Асфалтирањето ќе се одвива во текот на целиот ден и во текот на утрешниот ден (Среда, 28.04.21). По асфалтирањето преостанува изработка на банкини и завршни активности до комплетирање на проектот.

Асфалтирањето е дел од активностите на проектот „Изградба на локален пат Зубово – спој со пат Ново Село – Мокриево“, проектот кој се реализира од страна на Центарот за развој на Југоисточниот плански регион во партнерство со Општина Ново Село.

Проектот е финансиран преку Програмата за финансиска поддршка на руралниот развој за 2018 година од  страна на Агенцијата за финансиска поддршка во земјоделството и руралниот развој и од Буџетот на Општина Ново Село.

Вкупната финансиска конструкција на проектот изнесува 4.709.732,82 денари со вклучен ДДВ, од кои 3.991.299,00 денари се обезбедени од Агенцијата за финансиска поддршка во земјоделството и руралниот развој, а 718.433,82 денари се обезбедени од Буџетот на Општина Ново Село.

Соопштение до јавноста по Урб. Проект со план за парцелација на ГП1-1 и ГП1-2 УП в.н.м. изградба на стопански комплекс за откуп, диструбуција и преработка на земјоделски производи КП 404 КО Зубово

РЕПУБЛИКА СЕВЕРНА МАКЕДОНИЈА

ОПШТИНА НОВО СЕЛО

ГРАДОНАЧАЛНИК

Број. 10-886/3

23.04.2021 година

Ново Село

 

Врз основа на Законот за простроно и урбанистичко планирање (Сл. Весник на РМ бр. 32/20), од Законот за локална самоуправа („Сл. Весник на РМ“ бр. 5/02), член 28 од Статутот на Општина Ново Село, и донесената Годишна програма за изработување на урбанистички планови на Општина Ново Село за 2021 година со Бр. 08-208/1 од 26.01.2021 година, од Советот на Општина Ново Село, Градоначалникот на Општина Ново Село го дава следното:

СООПШТЕНИЕ ЗА ЈАВНОСТА

По Урбанистички Проект со план за парцелација на ГП1-1 и ГП1-2 Урбанистички план вон населено место изградба на стопански комплекс за откуп, дистрибуција и преработка на земјоделски производи КП 404 КО Зубово-в.г.р. Општина Ново Село.

Опфатот е со површина од 7161,75м2.

Јавниот увид по на Урбанистички Проект со план за парцелација на ГП1-1 и ГП1-2 Урбанистички план вон населено место изградба на стопански комплекс за откуп, дистрибуција и преработка на земјоделски производи КП 404 КО Зубово-в.г.р. Општина Ново Село, ќе трае 15 (петнаесет) дена, сметано во денови 24.04.2021 до 08.05.2021 год. Во споменатиот рок, заинтересираните граѓани и правни лица од конкретното подрачје опфатено со планот можат да доставуаат писмени забелешки, предлози и мислења во електронска форма преку информациски систем е-урбанизам.

Општина Ново Село

Градоначалник

Никола Андонов

Преземете го документот: Соопштение до јавноста

Третирање против комарци во Општина Ново Село

Започнува третирање против ларвицидни и возрасни комарци во општините во Југоисточен плански регион

Десетте општини во соработка со Центарот за развој на Југоисточен плански регион ќе спроведуваат активности за третирање против ларвицидна и возрасна форма на комарци по земјен пат. Предвидени се две третирања за лавициди и три третирања против возрасни комарци на територијата на Југоисточен плански регион со вкупна површина од 5.376 ха.

Се известуваат сите граѓани на десетте општини во Југоисточниот плански регион дека првото ларвицидно прскање ќе се изврши во период од 20 до 22 Април 2021 година, со следниот распоред:

На 20.04.2021 година (Вторник), во период од 09 до 16 часот во општините Валандово, Дојран, Гевгелија и Богданци.

На 21.04.2021 година (Среда), во период од 09 до 16 часот во општините Ново Село, Босилово, Василево и Струмица.

На 22.04.2021 година (Четврток), во период од 09 до 16 часот во општините Радовиш и Конче.

Се известуваат сопствениците на пчелни семејства да превземат соодветни мерки за заштита, односно да ги затворат истите во најавениот временски период.

Планска програма за урбанистички план вон населено место за индустриска зона „Ново Село“ во м.в. „Кошутица“ к.о. Ново Село вон г.р. Општина Ново Село

Планска програма за урбанистички план вон населено место за индустриска зона „Ново Село“ во м.в. „Кошутица“ к.о. Ново Село вон г.р. Општина Ново Село

Општина Ново Село

Градоначалник

Бр.10-702/3 од 05.04.2021 год.

Ново Село

Градоначалникот на Општина Ново Село, решавајќи по барањето на ДООЕЛ „НИМАЕР“ Д.Е. Струга, поднесено под број 10-702/1 од 25.03.2021 година, за одобрување на планска програма, врз основа на член 44 став 8 од Законот за простроно и урбанистичко планирање (Сл. Весник на РМ бр.32/2020), го издава следното:

РЕШЕНИЕ

Се одобрува Планска програма, со тех. бр. 03-87-1/2021 година изработена од ДООЕЛ „НИМАЕР“ Д.Е. Струга, за УПВНМ за индустриска зона „НОВО СЕЛО“ м.в. „Кошутица“, КО Ново Село, Општина Ново Село.

ОБРАЗЛОЖЕНИЕ

Барателот ДООЕЛ „НИМАЕР“ Д.Е. Струга, поднесе барање за одобрување на Планска програма, со технички број 03-87-1/ 2021 од март 2021 година изработена од ДООЕЛ „НИМАЕР“ Д.Е. Струга, за УПВНМ за индустриска зона „НОВО СЕЛО“ м.в. „Кошутица“, К.О. Ново Село, Општина Ново Село.

Преземете ја комплетната документација:

Решениe

Планска програма

 

Font Resize
Контраст
Accessibility by WAH