Category: <span>Вести</span>

Акцијата „Канта за отпад за секое домакинство“ на Општина Ново Село продолжува

Почитувани,

Општина Ново Село продолжува со акцијата „Канта за отпад за секое домакинство“. За таа цел општината преку грант од проектот „Проект за подобрување на општинските услуги“ (MSIP) спроведуван од Министерството за финансии на РСМ а финансиран со заем од Меѓународната банка за обнова и развој (Светска банка) набави 2039 надворешни пластични канти. Општина Ново Село во соработка со ЈПКД „Комуна“ Ново Село во наредниот период ќе ги посетуваат сите населени места и ќе ги доделуваат кантите, за оние кои немаат склучено договор со ЈПКД „Комуна“ –Ново Село веднаш ќе склучуваат и договори.

Проектот се спроведува како дел од активностите на Општина Ново Село да ги ублажи последиците и да го намали загадувањето на територијата на општината. За таа цел, се известуваат сите граѓани дека фрлањето отпад на јавни површини, диви депонии итн. е строго забрането, и секое прекршување најстрого ќе се казнува.

За распоредот на распределба на кантите во секое населено место ќе бидете дополнително информирани.

Одобрени средства за Доизградба на фекално канализационен систем во Ново Село

На Шестата Седница на Владата на Република Северна Македонија одржана на 4 февруари 2020 година, се разгледуваше „Точка 43: Информација за отпочнување со реализација на проектот: Доградба на фекален канализационен систем за Ново Село, Општина Ново Село“.

Владата ја разгледа Информацијата и даде согласност за обезбедување средства во висина од 55 милиони денари со ДДВ за реализирање на проектот односно изградба на фекален канализационен систем во Ново Село. Во наредните месеци ќе биде спроведена тендерска постапка за избор на најповолен понудувач за изведување на градежните активности, а тендерската постапка ќе биде објавена и водена од страна на Министерството за транспорт и врски.

Со овие средства ќе се овозможи целосна мрежна покриеност на Ново Село со фекален канализационен систем каде сите домаќинства и институции во Ново Село ќе имаат можност да се приклучат и да ги користат овие услуги.

Започна изградбата на водоснабдителниот систем во Сушица

Започна изведбата на долго очекуваниот водоводен систем во Сушица.

Како што беше претходно споменато, изведбата на водоводниот систем ќе биде финансирано преку средства обезбедени од Агенцијата за финансиска поддршка во земјоделстовото и руралниот развој преку Програмата за финансиска поддршка на руралниот развој и Буџетот на Општина Ново Село. Проектот е финансиран од Мерка 321 „Развој на јавна инфраструктура во рурални средини“, под мерка 3. „Инвестиции во водоснабдителни и канализациони системи во населени места во рурални средини“.

Вкупната инвестиција на проектот е во вредност од 22.318.475 денари со ДДВ.

Информации за новопоставените агрометеоролошки станици

На ден 10.01.2020 година, со почеток од 13:30 часот, во салата за состаноци во административната зграда на Општина Ново Село се одржа информативен ден за новопоставените агрометеоролошки станици во југоисточниот плански регион. Информативниот ден е дел од активностите на проектот „Агрометеоролошки станици за заштита на земјоделските култури и животната средина“, кој е финансиски поддржан од Министерството за локална самоуправа и Швајцарската агенција за развој и соработка, а го спроведува Центарот за развој на Југоисточниот плански регион во партнерство со сите десет (10) општини во регионот. На територијата на Општина Ново Село се поставени две (2) такви станици, од кои едната е во Борисово а другата во Зубово. Целта на овој проект е да се овозможи брз и современ начин за добивање на потребните податоци со цел да се извршуваат соодветни мерки за управување со земјоделските култури, а истовремено и заштита на животната средина преку намалување на процентот на третирање на почвата.

Информациите кои произлегуваат од поставените станици се бесплатно достапни за сите. Достапните информации се однесуваат на влажност и температура на воздух, правец и брзина на ветер, сончева радијација, влажност и температура на почва, влажност на лист и прогноза на болести. Прогноза на можни болести и штетници на одредени култури се овозможени преку метео станиците од каде може да се добијат навремени информации за почетокот, траењето и интензитетот на појавата на поединечни болести или штетници за секоја култура посебно.

Измерените податоци од станиците може да се добијат преку користење на мобилна апликација која е достапна за сите паметни мобилни телефони (Android и iOS), таблет или компјутер кои имаат пристап до Интернет или преку пристап до веб станицата www.agrojug.mk

Award Notice for Ref.No. CN1-SO1.2-SC024-PB3-TD01

The Municipality of Novo Selo has awarded a Contract under the Simplified Tendering Procedure “Services for Project Management” with Ref. No. CN-SO1.2-SC024-PB3-TD01.

1.	Contract No.	05-2300/15
2.	Contract Value	7,200.00
3.	Date of Award of Contract	09.12.2019
4.	Successful Contractor	Accounting, trading and services company MFD DOOEL uvoz-izvoz Skopje Blvr. Srbija no.9 1000, Skopje Republic of North Macedonia
5.	Contracting Authority	Municipality of Novo Selo str. Manush Turnovski no. 13A, 2434, Novo Selo Republic of North Macedonia

Второ прскање против комарци Јули, 2019 година

Центарот за развој на Југоисточниот плански регион во соработка со осумте општини од регионот организира авио-третирање против комарци. Предвидени се две прскања на територијата на Југоисточниот регион со вкупна површина од 7542 ха.

Се известуваат граѓаните на општините Богданци, Валандово и Дојран дека второто прскање е планирано да се изврши на 23.07.2019 година во раните утрински часови, односно во период од 04:30 до 09:30 часот. За граѓаните од општините Струмица, Василево, Босилово, Ново Село и Конче планирано е второто прскање да се изврши на 24.07.2019 година во истиот период. Доколку временските услови не дозволат да се реализира прскањето, истото ќе се спроведе на 24.07.2019 за горенаведените општини Богданци, Валандово и Дојран, додека за општините Струмица, Василево, Босилово, Ново Село и Конче ќе биде на 25.07.2019 година.

Се известуваат сопствениците на пчелни семејства да преземат соодветни мерки за заштита, односно да ги затворат истите во најавениот временски период.

Преземи-информација-за-прскањето

Прво прскање против комарци

Се известуваат граѓаните на општините Богданци, Валандово и Дојран дека првото прскање е планирано да се изврши на 27.06.2019 година – четврток, во раните утрински часови, односно во период од 04:30 до 09:30 часот.

За граѓаните од општините Струмица, Василево, Босилово, Ново Село и Конче планирано е првото прскање да се изврши на 28.06.2019 година – петок, во истиот период, односно од 04:30 до 09:30 часот.

Доколку временските услови не дозволат да се реализира прскањето, истото ќе се спроведе на 28.06.2019 за општините Богданци, Валандово и Дојран, односно на 29.06.2019 година за општините Струмица, Василево, Босилово, Ново Село и Конче во истиот временски период.

Градежни активности на регионален пат Ново Коњарево – Старо Коњарево и магистрален пат Граничен премин Ново Село – Струмица

По долгогодишни празни ветувања од претходната Влада, тековната Влада си стои на ветеното и како резултат на тоа започнаа градежните работи на регионалниот пат Ново Коњарево – Старо Коњарево и магистралниот пат Граничен премин Ново Село – Струмица.

Во тек се градежните работи на регионалниот пат Р1402 од Ново Коњарево кон Старо Коњарево, патот е пробиен до селото и понатаму продолжуваат со следните активности на патот.

Исто така во моментот се одвиваат активностите на регионалниот пат А4 Граничен премин Ново Село кон Струмица. Градежните активности опфаќаат гребење на асфалтен слој и поставување на нов асфалтен слој долж целиот пат.

Во прилог слики од патиштата и градежните активности.