Во просториите на Општина Ново Село денес беше извршено примопредавање на функцијата градоначалник на општината.

Новиот градоначалник Боро Стојчев ја презеде функцијата од својот предходник Блажо Велков кој ја извршуваше оваа должност од 2013 година.

Општинската изборна комисија Ново Село објавува
 Ј А В Е Н  П О В И К  за одржување на референдум на локално ниво на ден  17.09.2017 година (недела)

 Советот на Општина Ново Село донесе Одлука бр. 08-1807/5 од 14.08.2017 година  за распишување на референдум на локално ниво. На референдумот на локалнио ниво граѓаните на Општина Ново Село  можат  да се произнесат по две прашања и тоа:

Прашање  1 :  Дали сте „ЗА“  или „ПРОТИВ“ отворање на рудникот за бакар и злато „Иловица“ и

 Прашање 2 : Дали сте „ЗА“  или „ПРОТИВ“ отворање на рудници и  рударски комплекси за металични минерални суровини на територијата на Општина Ново Село

Референдумот на локално ниво ќе се оджи на ден 17.09.2017 година (недела) а гласањето ќе се спроведе во период од 07:00 до 19:00 часот. Право на гласање на референдумот имаат граѓаните кои имаат избирачко право и се запишани во Избирачкиот список и се изјаснуваат со непосредно и тајно гласање.

За секое прашање се гласа на посебно гласачко лисче и тоа:

Гласачко ливче за прашање 1:  Дали сте „ЗА“  или „ПРОТИВ“  отворање на рудникот за бакар и злато „Иловица“ и

 Гласачко ливче за прашање 2: Дали сте „ЗА“  или „ПРОТИВ“ отворање на рудници и рударски комплекси за металични минерални суровини на територијата на Општина Ново Село

 Гласачот го заокружува одговорот  „ЗА“  или „ПРОТИВ“  на секое посебно гласачко ливче. За важечко гласачко ливче се смета доколку е заокружен само едниот одговор од гласачкото ливче. За важечко гласачко ливче се смета и она гласачко ливче од кое на сигурен и недвосмслен начин може да се утврди за кој одговор гласачот гласал.

Гласачкото ливче е неважечко ако не е пополнето или има заокружено повеќе одговори.

Гласачот може да гласа само со важечка лична карта или патна исправа.

Гласањето ќе се изведе на постоечките гласачки места освен за гласачките места 1780 Стиник и 1781 Барбарево кои се преместени во просториите на ООУ Мануш Турновски во Ново Село.

OПШТИНСКА ИЗБОРНА КОМИСИЈА НОВО СЕЛО

Центарот за равој на Југоисточен плански регион, во рамките на проектот “Размислуваме за компостирање – посветени на одржување на органскиот синџир” бр. на проектот CB006.1.11.013 кој се имплементира во соработка со Асоцијацијата на Југозападни Општини Р. Бугарија, објавува јавен оглас за доделување на 400 компостери во Југоисточниот регион каде припаѓаат општините: Богданци, Босилово, Валандово, Василево, Гевгелија, Дојран, Конче, Ново Село, Радовиш и Струмица.

Право на учество имаат сите граѓани кои ги исполнуваат следните услови:

• Кандидатот да биде жител на една од погоре наведените 10 општини на Југоисточниот регион;
• Живеалиштето на кандидатот да биде во куќа;

Потребни документи за пријавување се:

1. Пријавен лист кој може да го превземат на следниот линк: http://www.rdc.mk/southeastregion или во просториите на Центарот за развој на ЈИПР на ул. Боро Џони Бр.10, Струмица како и во просториите на секоја од општините во Југоисточниот регион.
2. Копија од лична карта/пасош;
3. Копија од имотен лист (за луѓето кои живеат во град).

Пополнетите пријави и дополнителните документи може да се испратат електронски на maja.doncheva@rdc.mk  или истите да ги достават во просториите на Центарот за развој на Југоисточен плански регион со адреса: ул. Боро Џони Бр.10, Струмица како и во просториите на десетте општини на Југоисточниот регион најдоцна до 20.08.2017 година.

Изборот на кандидати кои ќе добијат компостер ќе биде по принципот прв пријавен – прв услужен, односно по редослед на пријавување.

За дополнителни информации контактирајте го следното лице:

Маја Дончева – Центар за развој на Југоисточниот плански регион

Тел: 071 251 205

Е-мејл: maja.doncheva@rdc.mk

Лица за контакт за дополнителни информации од секоја од општините се:

* Во секоја општина бројот на компостери кои се доделуваат се одредува процентуално спрема бројот на жителите во таа општина. Доколку во некоја општина има недоволен број на пријавени лица, компостерите ќе се доделат во некоја од останатите општини од регионот каде бројот на пријавени лица е најголем.

*Имотниот лист, не е задолжително да биде оригинал, може да биде копија од веќе постоечки или истиот да се превземе со внесување на податоците од следниот линк: http://www.katastar.gov.mk/prebmk/